政情：徐立之不忘一魚之恩

唔講唔知，徐立之嘅爺爺係杭州富豪，但五十年代舉家由內地逃難嚟香港。徐立之憶述，小學時代某日放學如常返到北角閣樓嘅住所，發現家中空無一人，佢走咗落樓下雜貨舖北角士多歇息，至知道原來佢爸爸返咗內地，委託「士多大哥哥」幫手睇住佢。

不經不覺等到日落，飯香撲鼻，士多伙記準備開飯，徐立之仍未見到爸爸嘅蹤影，心裏開始焦急，呢一刻，「士多大哥哥」送上一碗熱飯和肥美嘅鯇魚腩，令佢非常感動，「嗰次係我生平第一次食魚」，自此之後，佢就同魚結下不解嘅情意結，佢一直想搵番呢位對佢有「一魚之恩」嘅「士多大哥哥」，希望有緣可以報答呢位大恩人。