租置邨大閘損毀房署卸責
粉嶺祥華邨祥豐樓大閘久壞未修，房屋署以「租置邨」為由拒絕處理！梁女士指出，每天出入祥豐樓時，均發現大閘失靈並且發出刺耳聲響，「道閘壞咗好耐，成日都話要報價，報咗成個月都未搞掂，次次都聽到毛管戙！」梁指管業處早前曾經派人把大閘螺絲「擰鬆」，令大閘不能緊閉而減低開關時造成的噪音，惟大廈卻變成「冇掩雞籠」，保安成疑。
房屋署發言人稱，祥華邨為租置邨，邨內公眾地方事務（包括大堂）均由業主立案法團聘請之管理公司負責。祥華邨管業處發言人承認，祥豐樓大閘拉手位內因有零件鬆脫令開關有雜聲，並指大閘日前已完全修妥。
公屋聯會主席王坤狠批房署敷衍塞責，圖以「租置邨」為由卸責，「即使祥華邨係租置邨，房署都唔可以完全唔理，因為佢仲有啲單位未賣，佢都有業權人角色。」王指房署需維護租客利益，更應在管理及維修上為租客爭取合理質素。