政情：神奇局長死撐申亞
曾德成做咗咁耐民政事務局局長，係最近至發現佢有做緊嘢。做乜嘢？咪申亞、申亞同申亞囉。佢多次將運動員擺上枱，最近連殘疾運動員都唔放過，佢尋日嘅局長隨筆，話殘疾運動員好神奇喎，因為佢哋努力不懈，喺最近嘅殘亞中取得佳績。其實局長仲神奇喇，分明全城反對，佢仲夾硬話要申亞，仲要夾硬將有關嘅開支攞去立法會財務委員會尋求撥款添，大家可以放長雙眼睇吓佢又點化腐朽為神奇，搞到財委會通過款額咁有「彈性」嘅撥款囉。
曾德成做咗咁耐民政事務局局長，係最近至發現佢有做緊嘢。做乜嘢？咪申亞、申亞同申亞囉。佢多次將運動員擺上枱，最近連殘疾運動員都唔放過，佢尋日嘅局長隨筆，話殘疾運動員好神奇喎，因為佢哋努力不懈，喺最近嘅殘亞中取得佳績。其實局長仲神奇喇，分明全城反對，佢仲夾硬話要申亞，仲要夾硬將有關嘅開支攞去立法會財務委員會尋求撥款添，大家可以放長雙眼睇吓佢又點化腐朽為神奇，搞到財委會通過款額咁有「彈性」嘅撥款囉。
