母子相擁如劫後重逢
「好彩，好開心可以返到嚟」，英國航空昨午一班由倫敦希思路機場抵港的BA 025航班，接載了多名歸心似箭的留學英國港人子女回家。能夠告別希思路機場的彷徨無助安全抵港者頻呼好彩，前來接機為人父母者眼見子女無恙歸來，抱頭相擁，猶如劫後重逢。
其中回港與家人度聖誕的禤同學，慶幸他所搭的航班並無因大風雪而要延遲或取消，但透露有朋友早前在航機上一度苦候八小時，但最後航機都係「飛唔到」仍然滯留倫敦。他指，希思路機場擠滿了好多滯留旅客，「好似難民，好多人瞓晒喺地上。」
專程到機場接兒子機的禤太眼見囝囝平安回港，全程面露笑容。原定上周五上機，最後苦等兩日才能以候補機位乘搭該航班返港的葉同學表示，期間有一晚要在當地機場留宿。
多名訪港歐洲旅客亦被迫滯留赤鱲角香港國際機場。其中原定前晚返倫敦的英國旅客Hannah Standen無奈地指，可能要等到明日才能上機。
本報記者