中環耳目：龐愛蘭龍蝦吧歎凍蟹腳

Scarlett公職多多，平時經常穿梭大小活動之間，所以喺佢經常開會嘅熱點，總有一、兩間至愛食肆。當日下午佢要到禁毒委員會開會，所以就腳喺度開飯，以便歎完美食可以快速抵達開會現場。

Scarlett同卓妮極力推介呢度嘅半自助餐，因為有齊沙律、冷盤同埋甜品，食到七、八分飽就最舒服啦！佢又話，唔食主菜就唔使浪費食物，減少廚餘為環保盡一分心力。

推介美食獲封「蟹后」

卓妮見佢好喜歡阿拉斯加蟹腳，仲食到好滋味，原來佢係嗜蟹一族，早前同康復諮詢委員會成員訪問新加坡，仲因為推介團友日日食不同款嘅咖喱蟹、胡椒蟹等，獲封「蟹后」美名添！