立法會梁展文事件專責委員會尋日發表調查報告，炮轟前房屋及規劃地政局常秘梁展文無視利益衝突，申請轉職新世界中國，做法不能接受，甚至係刻意隱瞞。
不過梁展文尋日發表長達七頁、洋洋數千字嘅書面聲明，狠批報告砌詞入罪、充滿政治動機。佢喺聲明中仲表明：「倘若時光倒流，我會同樣重新再做一次！」
