政情：人大為港府惡補十二五

大家唔善忘嘅話，相信應該記得○六年初內地通過「十一五」規劃綱要後，特區政府了無反應，據聞當時連中央都有微言，之後煲呔曾先至臨急抱佛腳搞咗場經濟高峰會，同各界研究點樣配合「十一五」規劃。轉眼「十二五」規劃又嚟喇，金融範疇成為今次重中之重，為免特區政府再度慢半拍，港區人大代表索性採取主動，由經濟小組召集人劉佩瓊牽頭，約咗陳家強及梁鳳儀尋日開會，一開就開足兩個鐘頭。

有港區人大代表話，以往間唔中都有同特區政府會面，但講到尋日咁成班人正式去見就無啦！尋日會面雖然談不上係鞭策政府，只係想睇吓人大有啲咩幫得上忙喎。