過江女神:狂歡過節玩到殘 二人世界唔使煩

好快又到聖誕節,相信好多青年都會十分嚮往,事關嗰幾日有假放之外,仲可以同成班朋友開吓派對,大家玩吓。但凡事都有例外,就好似我哋今日介紹嘅過江女神,佢就話好討厭過聖誕,唔通阿女喺聖誕節裏面,有過啲乜嘢童年陰影?

拜到上床

呢位話好討厭過聖誕嘅囡囡,就係嚟自金×夜總會嘅顏顏,阿女今年21歲,照計同其他年輕人一樣,應該好熱衷過聖誕至啱,點解佢咁古怪會討厭過聖誕呢?顏顏話:「記得細個時每逢過聖誕,學校都要我哋買份聖誕禮物返嚟交換,原意係好,但係你買得貴,自己又肉赤,特別係換正份唔值錢嘅禮物,咁你就會更加㷫,到你買平嘢嚟交換禮物,萬一畀人知道,又會畀同學笑到面黃,真係做又錯,唔做又錯。」

原來係咁,仲以為平安夜,失豬夜添?顏顏話:「我嘅第一次都同聖誕有關,因為我第一次去派對,就係去聖誕舞會,就喺嗰晚認識到我嘅初戀情人,後嚟我哋拍拖,之後喺過年期間我去佢屋企拜年,點知拜拜吓拜埋上床,最後連隻豬都冇埋!」

同男友過

咁都得!顏顏都算搞笑,但如果只係交換禮物,冇理由咁㷫嘅?顏顏話:「去過一次派對之後,以後年年都去,而且每年一到聖誕期間,就會有好幾個派對等住我去,正所謂順得哥情失嫂意,去晒咁多個,自己又辛苦,荷包又唔見一大截。」咁你可以搵唔同嘅男仔陪你去兼畀埋錢嘛?顏顏話:「搵男仔去仲慘,個個去完派對都話要有下文,跳完舞已經攰,仲要招呼埋班男仔,真係攞苦嚟辛,真係制唔過!」

原來內裏大有文章,難怪顏顏咁討厭啦!顏顏今年嘅聖誕又會點過呢?顏顏話:「自舊年開始,我就喜歡搵埋男朋友,兩個人喺間屋靜靜哋咁過,男朋友就算係超人,大戰兩三回合之後,就已經冇貨賣,我哋就可以過幾日安靜嘅日子。」

小檔案

顏顏

年齡:21歲

三圍:34、23、34

興趣:二人世界

撰文:小德  攝影:阿生