政情：哪吒遞信劉健儀極力挽留

田少尋日出席自由黨集思會時，斬釘截鐵咁話哪吒冇辭職。佢憶述當日開會時，大家只係認為新東版圖好大，如果只有哪吒一個兼顧各區嘅話，就會太辛苦佢，亦好浪費時間，所以佢先決定同前黨副主席周梁淑怡到新東幫手，強調自己冇因而鬧過哪吒。

不過Miriam尋日就證實收到哪吒辭職信，仲話同哪吒初步了解過，知佢想專注做佢地頭將軍澳區嘅工作。Miriam明顯唔想喺個黨內憂外患時再有任何人事變動，夾喺中間嘅佢盡力挽留哪吒，希望佢承擔更多責任，唔好只着重自己地頭，直言如果佢肯放心機，一定可以做得更好喎。