政情：龐愛蘭請「信」寫鼓勵信

原來Scarlett囝囝好鍾意Vincent喺電視劇《刑警》入面嘅角色，覺得係正義嘅化身，咁啱佢即將去澳洲讀醫科，正面臨人生嘅重要時刻，所以Scarlett就請Vincent寫封信鼓勵吓囝囝。Vincent二話不說，洋洋灑灑寫滿一張A4紙，佢話自己以前都收過張學友嘅鼓勵信，深知自己唔為意嘅幾句說話可以產生深遠影響，所以義不容辭。

尋日係傷健關愛大獎頒獎禮，仁濟主席董吳玲玲一身輕便打扮撐場，仁濟副主席李文斌同埋哥哥康諮會副主席李文俊尋日都以兄弟檔上陣，李文俊曾任仁濟主席，兩兄弟尋日都暫時拋下屋企幾個月大嘅BB拍住做善事。

李文斌（右）同哥哥李文俊（左）齊心做善事。

董吳玲玲一身輕裝上陣暢遊迪士尼。