政情：延長交易時段 陳家強潑火

美國第二輪量化寬鬆措施造成全球資金氾濫，中國人民銀行上周五再度增加銀行存款準備金迎戰。雖然港府都有出招打擊炒樓對付熱錢流入，但港交所尋日宣布明年三月七日起分階段延長每日交易時段，變相助長股市炒風。財經事務及庫務局局長陳家強尋日喺港交所董事會通過有關決定前，已經幫手潑火，力撐延長港股交易時段，聲言有助市場健康發展，但係咪健康真係到時至知。