100分女友：似等BB出世
【本報訊】成功男士背後總有一個女人，黃金寶亦不例外，多年來獲得「100分女友」謝小姐在背後默默支持，有愛相伴始能不斷創造傳奇！難怪「阿寶」奪標後赫然發現秘密北上替他打氣的女友時，難掩內心喜悅，步下頒獎台後第一時間送上深情擁抱與鮮花，無言感激、一切盡在不言中！任職文員的謝小姐接受東方報業集團獨家訪問時坦言「好彩有上嚟睇」，談及等待上訴結果時更笑說：「好似喺醫院等BB出世咁！」
香港寵兒黃金寶作亞運告別戰，不少好友都專程到廣州打氣，當中亦包括他的「生命中至愛」。作風低調的謝小姐表示：「其實我一早請定假，但驚上去睇車會影響到佢（阿寶），都係臨到尋晚（前晚）最後一刻先至扑錘。」她不諱言這場賽事令她「從來沒有如此緊張過」：「我企個位既冇直播又冇現場旁述，最後離遠見到衝線嗰陣有車手犯規，當時諗，攞第二都好啦！」
「後來知道香港隊要上訴，我等緊嗰陣超緊張啊，似足喺醫院等BB出世咁……『阿寶』贏呢面金牌好驚險，能夠見證呢刻我覺得好有意義，一生難忘！」談到黃金寶那個「愛的擁抱」，謝小姐哈哈大笑：「畀佢嚇咗一跳！我以為佢行過嚟係叫我幫手攞住紮花呢！」
「多體諒、少埋怨」
眾所周知，黃金寶長年漂泊如空中飛人般南征北討，一年留港時間不足2個月，要做「阿寶」身邊另一半談何容易，難得謝小姐善解人意：「我知道『阿寶』有目標，只要佢開心就好！我可以做到嘅，就係多體諒、少埋怨；多欣賞、少挑剔！」簡單幾句話，卻流露出那份感動愛意，黃金寶有這位紅顏知己夫復何求！
就連沈金康教練也為謝小姐動容：「幾年前『阿寶』跟她拍拖時我就話，你們要早點結婚，因為『阿寶』年紀不小了。不過她跟我說『一切都聽阿寶的！』但之後都沒聽過『阿寶』向我申請結婚假期……今天我向她（謝小姐）說了一句對不起，你們可以去拍拖了！」至於黃金寶則表示：「我想同女友講聲多謝！但係返去又要備戰環南中賽事，估計只得2、3日假期。」