政情：社民連黨慶 望雨過天青

長毛致辭突然跪低

「倒閣」風波令社民連面臨分裂危機，未開席前，各名核心滿懷心事，一到開席，人人爭住上台表心迹。主席陶君行用蘇軾詞：「也無風雨也無晴。」寄語社民連重新上路，被指背後有份撐「馬草泥」倒閣嘅「大舊」陳偉業亦話，相信社民連風雨過後見陽光，相當感性。而「長毛」梁國雄仲誇張，致辭時突然跪低，高呼：「社民連只有政敵，沒有私敵！」跪足十秒都唔起身，陶君行即刻上前話：「唔好玩啦，毛哥。」

社民連成日鬧人，尋晚到賀嘉賓比民主黨黨慶冷清，立法會同僚得幾個，官員更一個都無，不過相信社民連唔會介意。