政情：哥頓嫂送絕袋雙熊

講開總部，嚟緊紅十字會會將基地搬去西九龍，詳情仲等緊落實，胡太話胡生好支持，連帶公司同事亦好有善心，個個都義務為新大樓畀意見，不過依家最難嘅係要籌集興建大樓經費，好彩紅十字會老友多，所以好多人支持，但仲未達標。依家呼籲捐錢起大樓嘅宣傳遠遠唔及得叫人捐血，胡太話紅十字會係全港嘅唯一血源，所以無嘢緊要得過叫人捐血，加上新大樓地點仲未正式交收，等紅十字會有地址之後，佢哋就會積極募捐。