政情：麥列菲菲告別英基為抱孫﹖

「七年之癢」請辭恰時

英基早年經常被批評財務管理不善，身兼香港醫務委員會主席及私家醫生嘅麥列菲菲，自○四年起擔任英基學校協會管理局主席，當時啱啱係英基陷入困境嘅時候，喺佢在任期間，不但促成立法會通過一項修訂條例草案，令原本過時及複雜嘅協會架構，改組成一個由直選家長代表、獨立成員、校董會主席委員會代表及代表職員組成嘅全新管理局。

麥列菲菲形容此時請辭係最恰當嘅時間：「我已出任了差不多七年主席，七年是一段不短的時間，我希望將來可以有更多時間陪伴我的家人。」英基學校協會管理局已成立遴選委員會，物色麥列菲菲嘅接班人。