龔仁心反駁仇富論

華懋集團近期多次投地，龔仁心在電台節目上被問到是否看好市道，他答稱，「最少到今日為止睇嚟都幾好」，但承認有風險，數年後樓市「邊個知」，又指現時樓價他亦覺得貴，而樓價高有很多因素，如建樓成本高等；就港府將房地產剔出投資移民的投資項目，他指未看到對旗下樓盤銷情有影響。

可能改變賣樓風格

有指華懋樓價過去升幅沒其他地產商的樓盤般快，龔指每人經營手法不同，又透露姊姊龔如心在生時，先後面對丈夫失蹤、打官司及疾病的影響，樓盤「唔趕住賣」，是「華懋響市場上冇咩聲音」的很大因素，至於他會否改變風格，他則稱「可能會改，睇市場啦。」

被問到有港人指地產商無良，他回應指，有關心態難以避免，但認為並非全部人想法如此，反問「社會成果分配唔平衡究竟係邊個責任？係咪地產商責任？」對於是否有人把地產商看成「魔鬼」，他稱：「香港人應該唔會。」

他續指，「對成個社會有益嘅嘢，我唔覺得地產商會反對」，而港人亦「好理性、好可愛」，如在爭產案中，「香港（人）全部企響我哋後面」，又認為「（仇富）呢兩個字有啲誇張啲呀？好似套上去，香港人係咪真係仇富？我唔覺得喎」。他認為若已對社會盡應有的責任，「冇人會仇你。」

盡力做好華懋基金

對於港府推出關愛基金，龔仁心指「參加咩冇咩所謂，係形式嚟」，「我冇收到政府通知逼我參加」，又指參加與否仍需考慮。他指出，公司及其目標是盡力做好華懋慈善基金，他的兩名分別三十多及四十歲的兒子，正在華懋効力。他引述龔如心曾稱，「想做一個中國人自己嘅世界性嘅獎」，他指冀助姊圓心願，正透過公司層面做慈善，如支持正生書院等。