92號巴士脫班市民呆等
繁忙時段巴士脫班，令市民呆等近半句鐘。江先生反映，由鑽石山開往西貢的92號巴士線經常有脫班情況，尤以下午繁忙時段更為嚴重，「我嗰日喺彩虹邨個站足足等咗五個字先有車，呢個位又唔係塞車，有咩理由成日都係咁！」
九巴發言人稱，該巴士線於下午四時三十分至晚上七時十分應保持十六分鐘一班，由於當日有兩部巴士出現機件故障，令班次受到影響。站長已即時作出調整，以減低影響。
黃大仙區交通及運輸事務委員會委員莫健榮指該巴士線經常脫班，九巴難作開脫，「呢條巴士線好多人搭，但啲班次就好疏，仲要成日遲！」莫認為九巴雖為私營機構，惟經營公共事業者應盡社會責任，利及市民，促九巴重新檢視班次安排。