經濟崛起後嘅中國，也開始重視國際形象嘅宣傳同包裝。尋日有部分左派報章透露，中國下月中旬將推出第一部國家形象宣傳片，透過國際知名媒體喺全球播出，其中一段三十秒長嘅廣告「人物篇」，仲聲稱搵到身為香港首富嘅長實集團主席李嘉誠、現効力美國NBA休斯敦火箭隊嘅國家籃球好手姚明、著名香港導演吳宇森，以及中國首位航天員楊利偉等一共五十位國際知名中國人，一同出鏡為國家拍攝宣傳片。
講到國際知名嘅中國人，誠哥自然當之無愧，不過佢為人作風向來低調，唔多鍾意上電視，據聞亦無參與今次宣傳片嘅製作，有關報道純屬美麗的誤會。