政情：譚志源信政改係神迹

領洗已廿年嘅譚志源記得，政改表決前，佢同同事本來感到山窮水盡，點知六月十三日佢去完崇拜後，突然諗起一段《聖經》經文，大意喺上帝要做一件新事物，譬如喺沙漠開一條河，令佢覺得人解決唔到嘅問題，不代表神解決唔到。

果然嗰日後，民主黨立場有變，黨主席何俊仁表明政府接受區議會改良方案，佢哋都支持，所以政府拿拿臨約見何俊仁，之後發生嘅事，大家應該知道。

到咗六月廿六日端午節，譚志源又同一班基督徒祈禱，今次佢話受到好大感動，覺得神一定會搞掂政改，結果政改果然歷史性獲立法會三分之二議員支持通過。政改通過係咪神迹就無人知啦，但譚志源以蘇軾嘅詞《定風波》作結，話面對困難時，最緊要係自己心境要好，咁就可做到「也無風雨也無晴」。