民主阿婆尋日出席一間傢俬舖嘅開張儀式，記者問佢點睇港府申亞，佢劈頭第一句，話十年前港府申亞，佢都有保留，但作為政務司司長，當行會拍咗板，就有責任盡力推銷。劃清界線之後，佢再踩多兩腳，話質疑港府依家用咁多錢申亞物非所值。
其身不正寸發叔漏報
翻查剪報，二○○○年三月港府申亞委員會首次會議，當年民主阿婆大聲疾呼，指香港擁有人才同高國際知名度等多項優勢，表示極希望立法會支持撥款。都唔知民主阿婆到底幾時講真，幾時講假？
佢又批評向行會漏報買樓利益嘅「新界王」劉皇發，會削弱行會整體誠信，暗示叫發叔辭任行會成員咁話。佢好似博大家都唔記得，當年佢都曾經爆出過十成按揭買樓嘅醜聞喎！