政情：葉偉明寸邱騰華奸到出汁

港府為咗阻止班議員廢除佔用郊野公園土地擴建堆填區無所不用其極，連律政司都出動埋，話立法會無權廢除一個唔符合民意嘅法令，根本嚴重影響立法機構嘅權力，連向來屬保皇黨嘅工聯會代表議員葉偉明都頂佢唔順，以踢波妙喻當局今次嘅橫蠻。佢話港府竟然奸到用「假龍（門）」，最奸係繼續扮無嘢叫你落場，當正你係「傻仔」，真係好難唔火起。唔怪之得政府晚上即刻縮沙，押後個法令。