領匯違地契 車位亂出租
領匯去年九月被踢爆違反地契規定，將停車場出租予非公屋住戶後，一宗私家小巴未能租用貨車停車場車位個案，再次揭發領匯違反地契，將貨車車位租予私家小巴，更遲遲未有向地政總署澄清更改地契問題。有律師指同類申請只需花一至兩個月便可完成程序，立法會議員狠批領匯將違規代價轉嫁租戶，令小市民承受惡果。
馮先生擁有十多輛廿八座及廿四座保母車，並聘用司機駕駛，「我啲伙記（保母車司機）住喺唔同區，一直都係租番佢哋屋企附近停車場（貨車車位）方便出入！」馮指有關做法在行內十分普遍，過去在各屋邨租用車位亦從未出現問題。
今年八月，一名新入職司機申請租用德田邨貨車車位時卻遭領匯拒絕，但場內仍有多部同類型保母車停泊，令馮深感混亂，「領匯話地契有問題，今年三月已經唔接受新申請，舊嘅就可以繼續泊，咁樣一場兩制好唔公平！」馮指藍田區內大部分停車場均屬領匯物業，重新接受申請日期卻公布無期，現正為無法租用泊位而不勝其煩。
停辦私家小巴申請
領匯發言人解釋，德田邨停車場地契規定，月租貨車位只供貨車停泊，為貫徹執行規定，今年三月下旬已停止辦理私家小巴月租新申請，並為九輛一直停泊上址的私家小巴向地政總署申請豁免，同時亦就現有停泊車輛類別限制申請豁免。
不過，地政總署發言人的回覆卻明顯與領匯有別。發言人只承認領匯曾於今年三月卅一日向該署提出建議，擬將德田邨停車場部分貨車泊位用作旅遊巴車位，惟未有澄清是否有意將部分車位轉作私家小巴泊位。
議員力促補救過失
立法會房屋事務委員會主席王國興嚴厲批評領匯「死不認錯」，違反地契條款卻將責任及需承擔後果轉嫁至租戶身上，「違反地契係領匯嘅錯，賺完錢之後有問題又唔去解決，仲要市民承受惡果，真係做得好差！」王認為，領匯為補救過失，應盡快向地政總署申請更改地契，「係咁拖住唔做都唔係辦法」，要求領匯從速撥亂反正。
「地政總署更改地契好快啫，尤其係停車場本身個用途冇變，只係改泊車類型話咁快搞掂啦！」法律界人士黃國桐指出，一般申請更改停車場泊車輛類別，如資料齊備最快可於一至兩個月內完成，故對領匯處理手法深表質疑「以前有業主將空地改成會議室，成個土地用途變晒都係需要半年至九個月，改車位類別咁簡單點解咁耐都未搞掂？」
記者 梁少儀