政情：梁卓偉「捐軀」慳龕位

今次梁卓偉自爆簽咗器官捐贈卡，希望借呢個機會呼籲多啲市民一齊簽。佢又話自己唔食煙、少飲酒，死咗之後應該有好多器官仲有用，好似五臟六腑同對眼都可以捐晒。佢仲唔怕忌諱，話自己條屍捐晒啲器官之後應該都「無咩淨」，但都會捐埋畀港大醫學院用作解剖，「解剖完應該都會變到溶溶爛爛㗎啦」！

講開港大，原來梁卓偉同港大好有淵源，喺一九九九年至二○○八年間，一直喺港大做公共衞生及社會醫學教授，屈指一算有十年光景，難怪對港大特別有感情。