政情：中銀同議員瓜葛多

同中銀（香港）最多瓜葛嘅係保險界議員陳健波，除咗有股票外，佢做顧問嘅保險公司同中銀（香港）有生意來往，而且佢同中銀（香港）副總裁林炎南均為強積金計劃諮詢委員會成員。

民建聯議員陳鑑林、專業會議議員劉秀成同埋工聯會議員葉偉明則揸住中銀（香港）股票兼開咗戶口；同樣係中銀（香港）客仔嘅，仲有民建聯議員李慧琼及專業會議議員梁美芬，李慧琼仲十分捧場，有齊儲蓄、支票兼信用卡戶口。

最搞笑係民主黨議員甘乃威，佢疑似有中銀（香港）人民幣戶口，佢其實本紅簿仔已經唔見咗，所以連佢自己都唔肯定，不過都係申報吓啦！