政情：扣飯鐘惹公憤 陳裕光投降

大家樂快餐店早前因應最低工資立法，調高部分員工時薪，但同時取消佢哋嘅飯鐘錢，令部分員工收入不增反減，引發多個工會同政黨發起罷食大家樂行動，炮轟身兼臨時最低工資委員會成員嘅大家樂集團主席陳裕光。面對龐大輿論壓力，大家樂尋日終於扯白旗投降，宣布即時收回用膳時間不計工時嘅做法，但人工就會照加，話希望此舉可以釋除公眾疑慮同維持社會和諧。群情洶湧，陳裕光唔投降都唔得！