政情：黃碧雲收錯師妹稿費
因為同中央談判政改而開始有人識嘅普選聯副召集人黃碧雲（Helena），依家畀民主黨極力游說出選下屆立法會。其實Helena參與咗民主運動好耐，不過Helena自爆，好多人搞錯佢同佢師妹、同名同姓但係寫小說嘅黃碧雲，仲有時收錯師妹嘅稿費添！
Helena話自己高師妹黃碧雲兩屆，咁多年嚟都經常畀人認錯，真係唔知好嬲定好笑。總之如果要參選，就一定要打響個知名度喇。
Helena依家係民主黨性別平等首席專員，但原來係畀立法會議員張文光拉落水。Helena話當初被點名搞女性觀點主流法嘅張文，主動搵研究開女性議題嘅佢補習，後來張文索性拉Helena落水，等佢做專員。雖然Helena話教書好忙，要做埋黨務好唔得閒。但做專員爭到女性票，有賺喎！