奧巴馬提倡中產永久減稅方案，藉以刺激消費，振興經濟。而美國土生土長嘅脫星Ashley Bulgari就認為此舉冇照顧到四仔界需要，阿妹認為首要致力搞好四仔界，定期開拍四仔，保障就業不足嘅脫星，同時支援一眾退休後嘅脫星仔生活！
Ashley Bulgari真搞笑，身為一個「脫星仔」，竟敢口出狂言怒插政府不是，更要求有關當局出力幫忙，難怪連工會都話佢大言不慚，話個人言論不代表四仔業界利益咁話喎！話雖如此，Ashley Bulgari嘅言論得到不少脫星支持，唔少一線脫星都企喺阿妹嗰邊撐到行，有脫星更話，假如有關當局再唔出手振興四仔界，話唔定聯同脫星去政府部門剝衫請願咁話。剝衫請願？喺歐美見怪不怪，呢招似乎冇乜說服力喎？阿妹解釋：「脫星剝衫當然冇新意啦，但我哋可能會當眾搞嘢，藉此引起社會關注，誓要爭取脫星合理福利為止！」
Ashley Bulgari講到脫星界咁淒慘，何解又繼續留低呢？「做脫星係我興趣，因為我享受被男人用色迷迷目光望住我，令我覺得自己有存在價值，更會有一種興奮感覺，好比做愛一樣咁High！」
Ashley Bulgari嘅所謂理由根本唔合理，就因為自己撈咗幾年都搵唔到錢買樓，阿妹就認為業界支援不足，脫星受歧視，似乎係輸打贏要喎？「呢個年代當脫星好辛酸，時刻要保持最佳體態，床上又要創新花式增加新鮮感，面對觀眾更要笑面迎人，經常出席大大小小嘅公開場合，你估真係剝衫上床就有錢收呀？所以我希望片酬以外，更要加車馬費及膳食津貼，幫補一啲開工不足嘅脫星。另外，更要成立四仔基金，幫助部分為四仔有重大貢獻嘅脫星，令呢行可以更蓬勃！」Ashley Bulgari有咁好嘅理念不如唔好做脫星，走去參選話唔定仲多人支持啦！
撰文：祖