中環耳目：甘健成推介「廚魔」Bo餐廳

工程師出身嘅Alvin因為鍾意食嘢而入行，佢間餐廳將分子料理玩得出神入化，臘味飯變成雪糕嘅形態，梳乎厘其實係蟹肉，反轉晒大家嘅味覺同視覺。甘老闆好欣賞Alvin勇於創新嘅精神。佢話已幫襯Bo七、八年，覺得佢哋嘅甜品「Sandal Wood（檀香）」好得意，好似食緊空氣咁。

Bo嘅經理Sammy解釋，佢哋會喺客人面前揭蓋，冉冉上升嘅檀香煙霧畀客人先來一個嗅覺享受，所以好似食空氣。不過杯內仲有以南北杏同埋山楂炮製嘅真實甜品㗎！

Bo露台就喺入口處，門口仲有馬賽克砌成嘅「廚魔」模樣。 （徐家浩攝）

揭蓋時檀香煙霧冉冉上升嘅「Sandal Wood」備受食客歡迎。