中環臥虎藏龍，奇人異事多。早幾日酷熱高溫下，竟然見到戴晒頭盔、面罩，着埋盔甲嘅《星球大戰》人物黑武士現身置地廣場對出嘅皇后大道中。時值下午四點幾，中環途人唔少，見到呢位黑武士好似機械人咁向前行，途人都嚇到眼定定，以為係拍緊戲，更有女途人攞部手機出嚟同黑武士影相。到底黑武士想搞邊科，真係不得而知嘞。
卓妮
