政情：KK睹慘劇感同身受

廿幾年前，KK仲行緊船，因為工作關係經常要往返菲律賓。佢話以前菲律賓好多海盜出沒，所以一直對呢個國家嘅治安冇乜信心，有次仲遇上挾持疑雲。佢記得當時同幾個行船同事喺馬尼拉市中心食完嘢，打算搭的士返碼頭，點知一上車就畀人用一支銀色左輪手槍指嚇。

KK一開始以為佢想打劫，嚇到標冷汗，坐近另一邊車門嘅同事已經即刻開門逃生，但佢自己啱啱夾咗喺中間，進退不得。正當唔知點好之際，兇神惡煞嘅菲律賓人忽然用英文問佢需唔需要買槍，先明白呢個人其實係賣槍嘅。KK拒絕咗呢單「生意」後立即走人，並再次確定菲律賓嘅治安實在太差，決定除咗公事之外，以後都唔會再去菲律賓！