停車熄匙立法令搵食司機叫苦連天，連前教統局局長李國章（阿瑟王）都感受到班司機嘅苦況。卓妮早前喺中環遮打道撞到阿瑟王，佢贊成攝氏三十二度或以上獲豁免容許開冷氣，但就話溫度好難量度，除非以天文台錄得嘅氣溫做標準，否則司機就要買個溫度計放喺車廂先至無數拗喎。講開近況，阿瑟王話月中會分別到英國倫敦及北部參加婚禮，其中倫敦嗰場就係佢姪仔結婚，到時又有姪新抱茶飲喇！
卓妮
