政情：名人二代齊入深圳政協

楊政龍最年輕

至於本來同老公馬鴻銘一齊喺香港特邀人士界別嘅蔡志明大女蔡加敏就無再做，馬鴻銘亦轉咗去歸國華僑聯合會界別。

Alex對深圳傳媒話，以前冇開深圳手機號碼，做咗委員後，特別去開咗一個。相對較其他二代少參加社會組織嘅蔡加讚，尋日都有去開會，佢話感受到政協對深圳嘅貢獻好大。一直希望參加多啲社會服務嘅加讚，今次難得有機會，話一定會畀心機學嘢，加上姐夫馬鴻銘都係委員，佢話會向各位前輩好好學習。

Jaime向來關注青年事務，尋日提出希望深圳提供稅務優惠畀兩地就業嘅大學生，等多啲大學生北上工作可以受惠。講開又講，Jaime早幾日又去江蘇無錫參加靈山世界公益論壇，與會嘅仲有前全國人大副委員長顧秀蓮、熱地及啱啱卸任博鰲論壇秘書長嘅龍永圖。