中環出更：劉夢熊即買即睇撐《東方》
金融界出身嘅全國政協委員劉夢熊，向有「文壇俠士」之稱，不平則鳴。近日遇上政改爭拗不斷，佢不時自掏腰包，喺報章大字標題痛陳利害。原來劉夢熊仲係《東方日報》忠實讀者添。
早前卓妮行經中環置地對出一條行人路，撞見劉夢熊喺街上左睇右睇，卓妮好奇尾隨其後，睇真啲，原來係搵報紙檔。嗰陣雖然係黃昏六點，劉夢熊仍然緊張地刨報紙，仲即買即睇，樂在其中。卓妮上前打招呼，佢笑騎騎話，知道《東方》刊出佢嘅消息，梗要捧吓場！
講番近況忙乜，劉夢熊話，正搞緊收購美國天然氣計劃，周身唔得閒，但幾忙都好，開餐絕不求其，至愛食肆係「富臨阿一鮑魚」及「蘇浙同鄉會」，搵埋公司高層食吓好嘢，係充電最佳方法。
卓妮