領匯縱容無牌熟食檔

「魚蛋、燒賣、腸粉統統五蚊串！」廣福邨街市多個檔戶不但公然掛出小吃價目表，還不時高聲叫賣，加上檔戶各設蒸籠、手推車甚至烤爐等裝置烹煮豬扒及雞翼等食物，令屋邨街市變身「熟食街市」。居民王先生不滿領匯縱容檔戶違規，「明明係街巿，點解由得佢賣熟食都唔理，唔通有租交就乜都得？」

自從街市增加大量煮食爐具後，王一直擔心「熟食街市」潛藏危險，坦言難以接受領匯「懶懶閒」的做法，「個街巿日日都有咁多人行，萬一整跌咗個爐，火燭起上嚟點算？領匯咁多年都冇去理吓，你話有冇搞錯！」街坊張先生亦認為，熟食檔在通道擺放煮食爐具會造成嚴重阻塞，危機不容忽視。

另一熟食檔出售缽仔糕、炒麵及腸粉等熟食，檔戶熟練地為顧客準備食物。

街市人流絡繹不絕，在狹窄通道擺放熟食爐具，易生危險。

疏於管理 違上市規定

「領匯明知街市檔違規，有乜理由乜都唔做？」立法會民政事務委員會委員王國興直指無牌熟食檔危及居民安危，有必要取締，領匯充耳不聞態度更絕不可取，要求嚴正處理有關問題。

公屋聯會主席王坤直斥領匯疏於管理轄下街市，明顯已違反上市規定，房署即使已出售資產，亦不能袖手旁觀，「領匯拖拖拉拉唔去跟進，分明係管理不善，但房署亦有責任向食環署舉報，盡番社會義務去打擊屋邨街市違規問題。」

對於指多年來漠視街市檔戶違規開設無牌食肆之指摘，領匯發言人未有作出正面回應，只稱已就租戶違例售賣熟食事宜，向有關租戶發出警告信，要求立即停止違例經營行為，否則將會按租約規定採取適當行動，包括終止租約。

食物環境衞生署發言人則證實，早前曾接獲市民作出同類舉報，經過調查之後，已採取突擊行動，共向四間經營無牌食物業處所之負責人共提出五宗檢控，並通知領匯有關情況。發言人重申，無牌經營食物業處所，一經定罪，最高可被判罰款五萬元及監禁六個月，另加每日罰款九百元。

■記者 黃詩雅