政情：肥仔明助選 敷衍袋巾傑

肥仔明尋日以個人名義去幫袋巾傑宣傳，呼籲大家記得五月十六日去投票，仲要投畀代表泛民嘅候選人。不過轉頭佢就話，如果班大專生都出嚟選，到時都唔知邊個先係泛民代表，叫大家記得投票就算，點都唔肯直接幫袋巾傑拉票。不過袋巾傑都唔係好得好多，巡遊起點就揀咗擺明唔妥「公投」嘅民協票倉，成個巡遊都冇乜氣氛。

另外，聲稱要喺港島區硬撼陳淑莊嘅巴士阿叔陳乙東尋日發表政綱，話要為市民每星期兩日家庭樂、一日夫妻性樂，又話要開設賭場同紅燈區。至今仲停留喺講嘅階段，唔知幾時去報名呢？