中環出更：吳永嘉海嘯價買Rolex閃電針

Jimmy日前戴「新寵」出席廠商會一個午宴，就係一隻新款Rolex手錶。Jimmy一直戴開外父盧文端送贈嘅伯爵名錶，近日轉投Rolex行列。佢話隻錶喺金融海嘯前已睇中，最別致係秒針設計如閃電，錶友稱之為「Rolex閃電針」，橙色秒針夠晒young，呢隻錶一出，就由四萬幾炒到七萬幾蚊，全城缺貨，勢估唔到一場金融震盪後，錶行要錢唔要貨，仲將珍貴名錶割價求售，呢隻「閃電針」亦減到「海嘯價」四萬幾銀，佢一於扑錘買嚟自用。

Jimmy吼緊機會買到心頭好，做實事都好認真，佢早前以廠商會政治事務委員會主席身份，向政府表達對政制發展嘅意見。

卓妮