政情：湯彥麟體驗露宿街頭

常言道：「事非經過不知難。」Tony喺今期《國泰天地》月刊中分享做「露宿者」嘅感受，佢話，呢次經驗令佢有機會設身處地體會社會上不幸嘅人所面對嘅困厄，令佢深深感受到自己係幾咁幸福。佢感慨：「放眼世界，着實有太多一貧如洗，無處為家嘅可憐人，在黑暗之中生存，找不到一絲希望。」Tony今次身體力行，無非想話畀大家知，幸福非必然，呼籲港人有能力，有餘錢就幫吓身邊有需要嘅人，向貧窮人士施予援手。