政情：葉劉轟林鄭硬推強拍耍官腔

匯賢智庫立法會議員葉劉淑儀前日喺報章登全版廣告，反對發展局局長林鄭月娥揸旗嘅降低舊樓強制拍賣門檻建議，仲點名叫娥姐「不要搶走窮人唯一嘅小羔羊」！一石擊起千層浪，官場為之震動，傳兩位阿太為下屆政務司司長個位大鬥法。面對流言蜚語，兩位阿太繼續隔空駁火，娥姐尋日表明，降低強拍門檻政策唔會讓步，葉太批評娥姐耍官腔，不顧小市民利益，仲指傳言對佢係侮辱，強調唔會同「師妹」爭位，認真精彩！