政情：肥胡釣魚論同田少唱反調

自由黨前主席兼香港總商會理事田北俊早前撰文狠批港府「一毛不拔」，令商界被迫「食死貓」承受社會嘅仇商情緒，要求當局動用外匯儲備扶貧。事後自由黨主席劉健儀連忙同佢劃清界線，話田少嘅言論唔代表該黨立場。總商會主席胡定旭尋日被問及有關問題時，亦強調田少只代表佢個人發言，認為與其直接向窮人派錢派福利，不如教識佢哋搵錢喎，同田少大唱反調。