政情：旺旺老闆文化大交流「吃人夠夠」阿扁金句

亞洲電視股權爭拗涉及中、港、台，亞視第二大股東、台灣旺旺集團董事長蔡衍明尋日喺記者會上，以地道台語「吃人夠夠」，反擊亞視最大股東查懋聲話佢無理取鬧，仲即時翻譯話解作「欺人太甚」，以免香港人聽唔明。其實呢句台語一度係台灣前總統陳水扁嘅金句，事關○五年陳水扁用過呢句台語嚟鬧前副總統呂秀蓮。今次蔡衍明唔單止將台資帶嚟香港，仲嚟個文化大交流添——包括咗鬧人嘅文化。