政情：徐立之唔知仔心肝

不過，徐校長唔明唔緊要，佢好尊重兩個仔，既然佢哋願意一世人一次嘅大學畢業相以光頭示人，佢雖然唔認同但無反對，亦都無太激咁鬧仔，好彩剃光頭只係表態而非潮流，兩個仔之後都好正經冇再做光頭仔。

徐校長又話，佢對待學生都係一樣，會尊重佢哋有唔同睇法，但係最緊要係提醒佢哋要守法，否則後果自負。最近喺唔同問題嘅抗爭場合都會出現嘅陳巧文都係港大學生，佢因襲警被捕正保釋候查，校長話港大學生事務長就時不時都同陳聯絡，睇吓有無需要幫手。