車輛違泊造成交通阻塞，警方被斥執法不力。李小姐每次駕車途經沙田正街時，發現常有不少貨車違規上落貨，阻礙隨後車輛，「最慘就係轉出去橫壆街嘅彎位，快線一轉出去就遇到啲死車泊晒喺停車場門口，有次差啲撞咗埋去！」李建議將上址部分路段劃為廿四小時禁區，阻止車輛違泊。
「違泊隨時搞到交通意外，政府係咪要等出咗事先至做嘢？」沙田區議員衞慶祥除建議警方加強巡邏外，亦希望將上址部分路段劃為雙黃線，倘問題持續，將於區議會上反映，要求有關部門改善。
警方發言人稱，會按照「靈活執行交通法例政策」，對違例停泊車輛採取執法行動。
