不過張建宗可能出於過分關心喇，佢買咕冇問價，反而問班大學生：「你哋個檔位成本幾多呀？」冷不防佢咁問，班大學生即刻靜晒，見到咁嘅場面，過咗幾秒，張建宗先發現有唔妥，於是有啲尷尬咁話：「係商業秘密呵！」梗係！做生意邊有人自揭底牌先得㗎！

喺呢個關頭，就考驗到大學生嘅腦袋轉數，佢哋幫張建宗打圓場，對住佢話：「第二個就唔講嘞！你呢，今晚傳個電郵話你知！」班大學生咁醒目，張建宗買咕都打孖上，使咗二百二十八蚊，一共買咗兩個，一於同愛妻一路睇電視一齊墊住腰骨。