工業家蔣震千金、全國政協委員蔣麗芸（Ann）好識享受生活，衣食住行一絲不苟，尤其喺食方面有好多窿路，最近佢就推介金鐘中信大廈間「San San Trois」（三生）日法料理。阿Ann大讚「三生」食物夠新鮮，佢最欣賞就係燒吞拿魚下巴（Aburi Toro）及煎Toro壽司，客人睇住廚師即場烹調，第一時間進食，皮脆肉嫩，入口即溶，帶來非一般感受。
三生食物夠新鮮外，用餐時亦可透過落地大玻璃欣賞維港優美景色，阿Ann話靜靜哋約朋友食飯傾偈就最啱。話口未完，阿Ann有晚就約咗老友去三生食飯，除咗柯打咗最鍾意嘅燒吞拿魚下巴及煎Toro壽司外，仲叫咗燒鵝肝壽司、河豚乾等，食到舔舔脷。講咗幾味日法Fusion菜，其實三生仲有味出名嘅法國焗雞，每隻有晒證書，皮脆肉滑，值得一試。