成敗非金錢衡量

沈祖堯話，太太最初唔想佢做中大校長，驚佢壓力太大，接過重擔之後會晚晚瞓唔着覺，不過後來太太都變咗全力支持佢，沈祖堯話太太嘅睇法好重要，因為驚第日返屋企時太太黑口黑面對住佢。

提名公布後，中大師生都逐漸消化緊呢件事，好多人都對佢寄予厚望，沈祖堯話，自己希望將中大辦成「中國人嘅國際一流大學」，不過，佢都知道，中大師生前面嘅路好長好斜。

講到第日嘅工作，沙士英雄一直唔被外界睇好籌款能力，佢話：「我覺得籌錢並非一個校長所有的責任……如果衡量一個校長成功與否係用錢，就好可悲。」