三年前發生的佔領之亂撕裂社會，搞到香港雞毛鴨血，製造了一班激進無知嘅年輕政治炮灰。而最令人激氣嘅，莫過於四十多個佔中主要搞手，被起訴的得九個咁大把，佢哋喺法院門前仲鬼咁風騷，唔通預知法律對佢哋冇符？
見微知著，被視為佔中最大金主兼黑手嘅壹淫媒老闆漢奸黎，至今毛都未甩過一條；人稱「戴妖」嘅戴耀廷，依然在大學播獨，誤人子弟。律政司抓小放大，對罪魁禍首一味「研究分析」，所謂「法律面前人人平等」，老朽亦不禁嗤之以鼻。虧特首林鄭日前喺倫敦出席活動，臉不紅氣不喘話法治係「一國兩制」賴以成功嘅基石！然而，一日佔領之亂嘅大奸巨惡未繩之以法，當局繼續姑息養奸，講乜都冇用。
古人說，目也者，遠察天際，而不能近見其眥。心亦如之。君子誠知心之似目也，是以務鑑於人以觀得失。意思是說，人的眼睛，遠望可以看到天的盡頭，近看卻不能看到自己的眼眶；人心也是這樣。君子深知人心也像眼睛一樣，因此努力以人為鑑，來了解自己的過失。律政司若遠察天際，豈會讓漢奸黎逍遙快活？
漢奸黎有咁耐風流就有咁耐折墮，旗下報章雜誌摺嘅摺賣嘅賣，爛果報亦氣若游絲，佢最近接受訪問，不忘唱衰香港，指內地無形之手愈嚟愈看得到，又話因政治制裁令廣告被封殺。有廣告時又唔見佢咁呻，自己經營不善，亂作新聞抹黑政要名人，自然慢慢被讀者唾棄。家陣又話對香港未來感悲觀，香港定會淪落，並放言自己都年屆七十，香港不容許他留下來就走人。嘩！天下間有如此便宜的事嗎？作奸犯科，反中亂港，搞到香港雞毛鴨血，賣完資產就想擸錢鬆人，香港難道只是他一個人的福地？
律政司未知是否因「證據太多」而還在迷惑？若然，那老朽只能說「有法不依謂之廢」，香港確實會淪落！