George尋日着白恤衫及牛仔褲，外披線條簡單嘅皮褸。Bauhaus旗下自家品牌有十五個，George話如果佢出席正式場合，就會着呢個特色係線條簡潔、斯文嘅系列。至於平時食飯、去WET，佢就會揀設計比較着重細緻嘅品牌嘞！佢話着衫係工作，要知道人客着得舒唔舒服，自己都要着。阿嬌啱啱停任Bauhaus嘅代言人，其實佢都唔使周圍搵，自己做咪得囉！

芬蘭Suunto錶夠專業

卓妮發現佢隻錶係芬蘭製造嘅專業錶Suunto，唔係公司品牌！George話隻錶可以監測心跳，啱晒佢做運動時戴，始終製錶業講究專業，佢唔熟唔敢做！