板間房戶冇得益 兼捱貴電費

從內地來港四年的梁太與丈夫及九歲兒子，租住深水埗一百多呎的板間套房，一家三口僅靠兩夫妻打散工的五千元收入維持生計。梁太昨日慨嘆家中一直使用光管，業主是不會斥資更換電線及安裝慳電膽燈位，她自己又難以負擔改裝費用，可謂「無福消受。」

她批評政府多此一舉，「送畀我都冇用！送完仲要加電費，咁搞咁多嘢做乜﹖唔搞好過搞啦。」她又投訴，政府每次「派糖」措施都不能受惠，促請政府不如實際一點，如津貼兒子在校的膳食及家中上網費用等。

在鴨寮街經營電器舖的曾女士質疑，若慳電膽現金券只能到指定商戶使用，政府是「明益大財團，逼死小商戶，有官商勾結之嫌。」她說，其店舖剛剛入了一批慳電膽存貨，以配合市民慣常於年底換新燈膽的習慣，現卻擔心建議會令她囤積存貨，損失慘重。

而被迫「供款」推動使用慳電膽的工商界也指建議不公平。其中，新光酒樓（集團）有限公司常務董事總經理胡珠直言：「係攞我哋荷包擺闊佬，慷他人之慨……我哋都唔能夠叫住戶補貼工商開支，政府要公平！」他又指，業界一直有採用慳電膽，不明業界為何不能受惠，又質疑此舉實際為電力公司加電費添藉口，「計仔嚟，方便加電費，係人都知工商界交嘅電費多過住宅好多啦！（政策）係分化市民！」

以一般酒樓每月電費達十萬至廿萬元計算，若因推動慳電膽而加電費，估計一年額外支出或高逾五千元。