結實最佳
小記成日都話自己作為香港人好幸福，因為喺香港真係乜都有得食，可以嘗盡來自世界各地嘅美食，一向為食嘅我點會唔深愛香港呢？不過咁，所謂不時不食，要食得招積就梗係要揀時令美食啦！秋天嚟到，小記就即刻諗起大閘蟹喇！但係，小記只係識得食，唔識揀靚蟹，點算呢？
澳門×龍夜總會嘅桐桐就表示，其實揀蟹同揀女伴一樣咁容易，當真？桐桐話：「果然！要揀靚蟹，首先要睇吓佢夠唔夠實淨，大家可以用手指篤一篤佢個殼，如果夠硬就係最好喇！因為如果隻蟹個殼軟腍腍，表示佢剛剛脫完殼，會用盡晒身體嘅所有能量，換言之蟹膏所剩無幾！同揀女伴一樣，如果個女仔嘅肉地好似我咁結實，即係話佢平時有做運動，身體嘅能量一定充足，床上表現肯定夠晒搶韁，呢餐一定夠晒和味啦！」
色澤夠黃
咁又啱，好似小記咁平日懶做運動，搞到周身都係軟綿綿兼呈啫喱狀嘅肥肉，一睇就知係懶蛇一條唔多願郁啦！而桐桐講完之後，佢嘅好姊妹小倩又話自己識揀蟹，佢話：「靚嘅大閘蟹除咗要夠結實之外，仲要夠黃先為之上品㗎！」小記從未見過黃色嘅大閘蟹喎！小倩有冇講錯呀？
小倩話：「就咁睇梗係唔得啦！大家去到舖頭揀大閘蟹嘅時候，係咪見到佢哋會安排一盞燈呢？用意其實係畀大家照一照隻蟹㗎！如果大家照到隻蟹後腳以及蟹蓋最邊邊位置透出黃色，就表示呢隻蟹嘅蟹膏好多，俗稱頂晒角，買佢一定冇走寶！同樣道理，男人要揀個好女伴都要睇吓佢哋夠唔夠黃，即係色情嗰種黃，因為對方如果唔夠好色，成日都正正經經，對性唔會提起興趣，勉強拉到佢哋上床都會成條死魚一樣，試問又邊度有樂趣，邊度玩得過癮呢？」
飲酒助興
兩位靚女各自講咗一個揀蟹要訣，真係令小記獲益不少，可以去買大閘蟹食喇！桐桐就話：「咪住！仲有一個好重要嘅重點要話畀大家知㗎！我想講嘅唔係揀大閘蟹，而係大家食蟹嘅時候同溝女嘅時候，都一樣要飲酒助興！因為蟹屬性寒涼，食得多或者本身底子虛弱，容易令身體出現問題，所以大家食蟹嘅時候，應該飲吓酒，例如係花雕或者紹興酒，因為呢種黃酒有行氣活血同驅寒作用。道理同大家溝女差不多喇！有酒精嘅幫助，對方本身即使係幾冷漠，多少都會顯露出真性情，容易同你作深入交流，當然，有冇機會獨處一室，了解一下大家嘅身體狀況就要睇你嘅溝女功力喇！」
小倩小檔案
年齡：23歲
三圍：35、24、34
興趣：食蟹
桐桐小檔案
年齡：22歲
三圍：33、22、33
興趣：飲酒
撰文：賢
攝影：強