屯門湖翠路往蝶景路方向、近美樂里設有一組交通燈，有駕駛者發現，由於行車綠燈時間過短導致經常塞車。陳先生指出，該組交通燈接近多條巴士線及小巴線車站，車輛流量甚高，塞車情況尤以黃昏繁忙時間最嚴重，「得嗰幾十米路，就係因為紅燈時間太長，搞到啲車等成十分鐘都過唔到盞燈！」
屯門區議員嚴天生直指，上述交通燈紅燈時間過長與輕鐵優先過路權有關，「嗰支燈右轉就係輕鐵過路處，每次有輕鐵到就會轉紅燈，所以啲車咪成日塞咗喺燈位。」嚴建議取消輕鐵於美樂里的優先過路權，並禁止湖翠路右轉美樂里，以解決綠燈過短問題。
運輸署發言人承認，上址早、晚繁忙時段間歇出現車龍，已調校湖翠路直去及右轉美樂里的交通燈運作，現時情況已大為改善。